Aswathy krishnan

ഒരു പ്രണയകഥ

2010-08-24T07:21:00.000-07:00

ആകാശത്തിനു ഭൂമിയോടു

പ്രണയമായിരുന്നു ......

ഭൂമിക്കാകാശത്തോടും.......

മരച്ചില്ലകളില്‍ വിടര്‍ന്ന

വര്‍ണ്ണപ്പൂക്കളുടെ മിഴികളിലൂടെ

ഭൂമി ആകാശത്തെ നോക്കിച്ചിരിച്ചു.

പകരം,

മിന്നിത്തിളങ്ങുന്ന നക്ഷത്ര കുഞ്ഞുങ്ങളെ

ആകാശം ഭൂമിക്കു നല്‍കി .

പകലും രാത്രിയും

രാത്രിയും പകലും നീളുന്ന

പ്രേമ സല്ലാപങ്ങള്‍ക്കൊടുവില്‍

ചുടുനിശ്വാസങ്ങളോടെ

ഭൂമി തന്റ്റെ ദുഃഖം

ആകാശത്തോട് പറഞ്ഞു .

ഭൂമിയുടെ ദുഃഖതിലേക്കു,

അവളുടെ വിണ്ടുകീറിയ -

മാറിടങ്ങളിലേക്കു,

ആകാശത്തിന്റ്റെ ചുംബനങ്ങളായി

അവന്റ്റെ നനുത്ത സ്പര്‍ശമായി

മഴ പെയ്തു തോര്‍ന്നു ...................

2010-08-23T01:18:00.000-07:00

ഓണം ഒരു ഓര്‍മയാണ്

ഇന്നു അവധി ദിനങ്ങളുടെ ആഹ്ലാധമാണ് ഓണം

ഓണാശംസകള്‍

ഒരു കടങ്കഥ

2010-07-05T07:17:00.000-07:00

ആ കഥയും

അവസ്സാനിച്ചു -

ഒരു സ്വപ്നം

എന്ന പോലെ !!

വിടപറയലിന്റ്റെ

അകമ്പടി ഇല്ലാതെ.......

കാത്തിരിപ്പിന്റ്റെ

സുഖമില്ലാതെ ........

"ഓ .....അതൊരു-

കടങ്കഥ ആയിരുന്നുവല്ലോ ?"

ഹൃദയത്തില്‍

വലിയൊരു വിടവ്

(സ്വയം ഉണ്ടാക്കിയത്)

അതടയുവാന്‍

എവിടെ അളന്നോഴിക്കണം ?

കൊടുത്ത സ്വപ്നവും ,

സ്വാതന്ത്ര്യവും ,പ്രണയവും

തിരികെ എടുക്കുന്നതെങ്ങനെ ?

അളന്നൊഴിക്കലില്ലാതെ ,

തിരിച്ചെടുക്കലില്ലാതെ ,

ഒരു കഥ കൂടി

കടങ്കഥയാകുന്നു .......

വഴിക്കണ്ണുകള്‍

2010-05-30T02:41:00.000-07:00

യാത്ര അയപ്പിനെക്കുറിച്ചു നീ
വാചാലനായല്ലോ?
ഈ യാത്രപോക്കിന്റ്റെ വേദന
നീ അറിയുന്നുവോ?
പ്രിയമുള്ളതെല്ലാം
അകലെ മറയുന്നതിന്റ്റെ
നിസ്സഹായത !
തിരിഞ്ഞു നോക്കിയാലും
ഉറക്കെ വിളിച്ചാലും
അറിയാത്ത അകലങ്ങളിലെക്കാന്
ഈ യാത്ര
എന്നിട്ടും,
പ്രതീക്ഷയുടെ മഴ ച്ചാറ്റല്‍ പോലെ
അടുത്ത വണ്ടിക്കു ഞാന്‍
വരുന്നതും കാത്തുള്ള
നിന്റ്റെ വഴി ക്കണ്ണുകള്‍
എന്നിലേക്ക് നീളുന്നുവല്ലോ?

സ്നേഹം

2010-04-04T10:53:00.000-07:00

ഏറ്റവും പുതിയ മലയാളം -ഇംഗ്ലീഷ്
ഡിഷ്നെറിയിലും പരതി,
അര്‍ഥം കിട്ടിയില്ല .
ഇന്നലെ ക്ലാസ്സില്‍ ടീച്ചര്‍ പഠിപ്പിച്ച
കവിതയാണ് -'സ്നേഹം '.
-എന്താണതിനു അര്‍ഥം
അമ്മതന്‍ അമ്മിഞ്ഞപ്പാലുപോലാണ്
സ്നേഹമെന്ന് കവി .
അമ്മയോട് ചോദിച്ചു ,
അമ്മയ്ക്കറിയില്ലത്രേ .
അമ്മയുടെ മേക്കപ്പ് റൂമിലും
അങ്ങനെയൊരു വസ്തു കണ്ടില്ല .
വെടിച്ച ചുണ്ടില്‍ ലിപ്സ്റ്റിക് പുരട്ടി
മുത്തശി പറഞ്ഞു
'കടേന്നു മേടിക്കാന്‍ മേലാരുന്നോ?'
തടിച്ച കണ്ണട ചെവിയില്‍ തിരുകി
മുത്തച്ഛന്‍ ചിന്തിച്ചു
മുത്തച്ഛന്‍റ്റെ മുത്തച്ഛന്‍റ്റെ
പുസ്തകശേകരണത്തില്‍ എവിടെയോ
ഇങ്ങനൊരു വാക്ക് കണ്ടിട്ടുണ്ടത്രേ !
പക്ഷേ മുത്തച്ചന്‍നു അതിന്റ്റെ അര്‍ത്ഥമറിയില്ല .
തടിച്ച ഡിഷ്ണറികള്‍ നടുവൊടിഞ്ഞു
ചുറ്റും കിടന്നു .......

ഒരു പിറന്നാള്‍ ദിനം

2010-04-03T08:41:00.000-07:00

പ്രിയപ്പെട്ട ബ്ലോഗേര്‍സ്നു ,
വെറുതെ ഇരുന്നു മടുത്ത ഒരു ഉച്ചദിനത്തിലാണ് ഒരു ബ്ലോഗ്‌ എഴുതണമെന്ന ആശയം തെളിയുന്നത് .അങ്ങനെ പുസ്തകത്തില്‍ കുത്തികുറിച്ചിട്ടത്‌ പുറം ലോകം കണ്ടു .പിന്നെ ജീവിതത്തിന്റ്റെ തിരക്കിലേക്ക് മെല്ലെ ഒഴുകാന്‍ തുടങ്ങിയപ്പോള്‍ സ്ഥിരമായി നോക്കാനും കാണാനും പറ്റാതായി.ഒരു മുറിയുടെ ചുവരുകള്‍ക്കുള്ളിലേക്ക് ചുരുങ്ങാന്‍ തുടങ്ങിയപ്പോള്‍ വിഷയ ദാരിദ്രം !!വല്ലപ്പോഴും ഒരു വേനല്‍ മഴ എന്ന പോലെ ആശയങ്ങള്‍ എത്തി നോക്കുമ്പോള്‍ മനസ്സിന് ആനന്ദം ..എന്നിട്ടും തെറ്റുകള്‍ ....(തെറ്റുകള്‍ മാത്രം എഴുതി ശീലിച്ചത് കൊണ്ടായിരിക്കുമോ?) !പക്ഷെ സ്നേഹപൂര്‍വ്വം തിരുത്താന്‍ സുഹൃത്തുക്കള്‍ ഉണ്ടെന്നറിയുമ്പോള്‍ സന്തോഷം!!
എന്റ്റെ ഈ ചെറിയ ബ്ലോഗിലേക്ക് വന്നതിനു,കൂടെ കൂടിയതിനു എല്ലാവര്ക്കും നന്ദി...
സ്നേഹപൂര്‍വ്വം
അശ്വതി

എയിഡ്സ്

2010-02-13T22:03:00.000-08:00

ചരിഞ്ഞുറങ്ങുന്ന
രണ്ടു നിഴലുകള്‍ക്കിടയില്‍
നേര്‍ത്ത ചാലുവീഴ്ത്തി
എയിഡ്സ് ഒലിച്ചിറങ്ങി

വിവാഹനിശ്ചയം

2009-12-29T08:55:00.000-08:00

പതിവില്ലാതെ അവള്‍ കണ്ണാടിയുടെ മുന്നില്‍ നിന്ന് സ്വന്തം സൗന്ദര്യം ആസ്വദിച്ചു .നീല പട്ടുസാരി അവളുടെ നിറത്തിന് യോജിക്കുന്നതായിരുന്നു.ചെമന്ന സിന്ദൂരപ്പോട്ടിന്റ്റെ വലുപ്പം കൊണ്ടാകണം മുഖം കൂടുതല്‍ തുടുത്തിരുന്നു .മുടിയില്‍ ചൂടിയ മുല്ലപ്പൂവിന്റ്റെ ഗന്ധം മുറിയാകെ നിറഞ്ഞു നിന്നു.
എന്നാല്‍ ,അവള്‍ കണ്ണെഴുതുന്നതോ ,പൊട്ടുതൊടുന്നതോ,കൈകള്‍ നിറയെ വളയണിയുന്നതോ ,അവനൊരിക്കലും ഇഷ്ട്ടപെട്ടില്ല .അവളുടെ കണ്ണ്‍മഷി എഴുതാത്ത കണ്ണുകളെ അവന്‍ ഓമനിച്ചു,നീണ്ടു വെളുത്ത വിരലുകളെ സ്നേഹത്തോടെ പിടിച്ചമര്‍ത്തി ,വിളറിയ ചുണ്ടുകളെ ചുംബിച്ചു ചെമന്നതാക്കി ...തിളയ്ക്കുന്ന ഉച്ചദിനങ്ങളില്‍ അവര്‍ മരതണലില്‍ ചേര്‍ന്നിരിക്കും.അവളുടെ മടിയില്‍ തലവച്ച് അവന്‍ മരച്ചില്ലകള്‍ക്കിടയില്‍ കാണാവുന്ന നീലാകാശ തേക്ക് നോക്കി സ്വപ്‌നങ്ങള്‍ കാണും .അന്തരീക്ഷത്തില്‍ അവന്‍ സിഗാര്‍പുക കൊണ്ട് തീര്‍ത്ത വെളുത്ത ചിത്രത്തെ അവള്‍ അത്ഭുതത്തോടെ നോക്കി ....
ഒരിക്കല്‍ തന്റ്റെ വെളുത്ത കൈകള്‍ കൊണ്ട് അവന്റ്റെ അനുസരണയില്ലാത്ത മുടിയിഴകള്‍ തലോടി അവള്‍ പരിഭവിച്ചു ,വീട്ടുകാര്‍ തന്റ്റെ വിവാഹം നടത്താന്‍ തിരക്കുകൂട്ടുന്നതിനെക്കുറിച്ചു,മറ്റൊരാളുടെതായി പരിണമിക്കാനുള്ള വൈമുക്യ്തെക്കുറിച്ചു!!അവളുടെ മുടിയുടെ മണം മുകര്‍ന്നു കൊണ്ട് അവന്‍ പറഞ്ഞു :'പ്രേമം അനന്തമാണ്‌ ,അതൊരു വിവാഹത്തില്‍ അവസ്സാനിക്കുന്നതല്ല..'
അങ്ങനെ അവള്‍ നീല പട്ടുസാരി ചുറ്റി ,കണ്ണെഴുതി,ചെമന്ന പൊട്ടുതൊട്ടു ,മുടിയില്‍ മുല്ലമാല തിരുകി...അധിതികള്‍ക്കിടയില്‍ ചായകപ്പുമായി നടക്കുമ്പോള്‍ അവള്‍ക്കൊന്നും തോന്നിയില്ല ..സുമുഖനായ പ്രതിശ്രുത വരാന് ചായ നല്‍കി തിരിയുമ്പോള്‍ അമ്മാവന്‍ ചോദിച്ചു :'ചെക്കനെ ഇഷ്ട്ടയോ?'
ചിരിക്കാനാണ് തോന്നിയത്..കുടുംബപരംബര്യവും പണവും തൂങ്ങുന്ന തട്ടില്‍ പെണ്ണിന്റ്റെ മനസ്സിനെന്തു കാര്യം?
ഇതു കണ്ടു അമ്മായിക്ക് അടങ്ങിയിരിക്കാനായില്ല ,'പെണ്ണി ന്റ്റെ നാണം കണ്ടില്ലേ'.അവര്‍ പറഞ്ഞു ..അവള്‍ നാണത്തോടെ തന്നെ മുറിയിലേക്ക് പോയി ..
മുഖം കഴുകി സിന്ധൂരപോട്ടു മാച്ചുകളയുമ്പോഴും ,കരിമഷി അമര്‍ത്തി തുടയ്ക്കുംബോഴും,പുറത്തു വിവാഹതീയതി കുറിക്കുകയായിരുന്നു...

ഉറക്കച്ചടവ്

2009-11-20T10:29:00.000-08:00

കണ്ണില്‍

കുറുകി കുറുകി

തളം കെട്ടുന്ന

ഉറക്കച്ചടവ് ........

അപ്പോഴും,

മേശയിലടുക്കിയ

പുസ്തകങ്ങള്‍ക്കിടയില്‍ ,

നിവര്‍ത്തിവച്ച

തടിച്ച ഗ്രന്ഥത്തിലെ

കുനുകുനുത്ത

അക്ഷരങ്ങളിലൂടെ

പാതിയടഞ്ഞ കണ്ണുകള്‍

നീങ്ങിക്കൊണ്ടിരുന്നു .

ഉറക്കമിളച്ചു

കറുത്ത് നിറം കെട്ടകണ്ണുകള്‍

അടയാന്‍ കൊതിച്ചു !

പണ്ടെന്നോ

കണ്ടു മറന്ന സ്വപ്നം

കാണാന്‍ കൊതിച്ചു !

പുറത്തു കാറ്റടിക്കുമ്പോള്‍

പുതപ്പിലെ ഇളം ചൂടില്‍

ചുരുണ്ടു കൂടാന്‍ കൊതിച്ചു!

എന്ഗിലും ,

വരാന്തയിലെ

ട്യൂബ് ലൈറ്റിന് ചുവട്ടില്‍

പാടങ്ങളുരിവിട്ടു

നേര്‍ത്ത കാലൊച്ചകള്‍

നീങ്ങുമ്പോള്‍

തടിച്ച പുസ്തകങ്ങളിലേക്ക്

വിളറിയ കണ്ണുകളോടെ

ചെന്നു വീഴുന്നു.

ഇണപ്രാവുകള്‍

2009-10-17T07:02:00.000-07:00

ആ വലിയ നഗരത്തിലെ
ചെറിയ ടെറസ്സില്‍ ,അവ
പ്രണയിച്ചുകൊണ്ടിരുന്നു...
അവന്റ്റെ കൊക്കുകള്‍ ,
അവളുടെ കൊക്കിലുരുമി ...
അവളുടെ ദേഹം
അവനോടു ചേര്‍ത്ത് ....
ആ കുഞ്ഞു കണ്ണുകളില്‍
പ്രണയത്തിന്റ്റെ ചുവപ്പ്
കലങ്ങി കിടന്നിരുന്നു...
കഴുത്തിലെ നനുത്ത
നീല തൂവലുകള്‍ക്കു ,
പ്രണയത്തിന്റ്റെ തിളക്കം..
ആകാശത്തിന്റ്റെ അനന്തതയ്ക്കു
കീഴില്‍ ,
നഗരത്തിന്റ്റെ
തിരക്കിനു മുകളില്‍ ,
ഒരു പ്രണയ നാടകം!!!
അവനെന്താണ്
അവളോട്‌ പറഞ്ഞത്?
അവളെന്താണ്
തിരികെ പറഞ്ഞത്?
എനിക്കറിയില്ല !!
പ്രണയത്തിന്റ്റെ ഭാഷ
ഞാന്‍
മറന്നു പോയിരുന്നു!!!

ഒരു സ്വപ്നം

2009-09-29T09:10:00.000-07:00

ഇന്നലത്തെ മഴയുടെ നിശ്വാസം

അന്തരീക്ഷത്തില്‍

തങ്ങിനില്‍ക്കുന്നുണ്ടായിരുന്നു ...

വിജനമായ പാതയ്ക്കിരുവശവും

വളര്ന്നു നിന്ന ,യുക്കലിപ്ട്ടിസ്മരങ്ങള്‍

ആ നീണ്ട വഴികളിലൂടെ

ഞാനും നീയും ...

നമുക്കിടയില്‍ തണുത്തുറഞ്ഞ

മൂകത ....

ജന്മാന്തരങ്ങളിലൂടെ ,

അവസാനിക്കാത്ത ,

അനാദിയായ യാത്ര .

ഇതെന്റ്റെ സ്വപ്നം .

സ്വപ്നത്തില്‍ വിശ്വസ്സിക്കുന്നവളുടെ

സ്വപ്നവും ജീവിതം തന്നെ .

എന്റ്റെ ഹൃദയതാളം കേള്‍ക്കുന്നിടത്തോളം

നീയെന്നില്‍ ചേര്‍ന്നിരിക്കുക...

ഈ യാത്ര മുഴുവന്‍

ഞാന്‍ നിന്റ്റെതായിരിക്കും.........

മണമുള്ള ഓണക്കാലം

2009-08-29T02:40:00.000-07:00

നിലത്തു മെഴുകിയ ചാണകകളത്തിലിട്ട പെരിങ്ങലപ്പൂക്കളുടെ മണമാണ് ഓണത്തിന്റ്റെ ഓര്‍മകള്‍ക്ക് .ചിങ്ങവെയിയിലില്‍ നനഞ്ഞ പൂഴിയിലൂടെ നീങ്ങുന്ന നിഴലുകള്‍ ,വിളിക്കാതെ വരുന്ന ആദ്യ അധിതികളാനവര്‍,മഞ്ഞ ചിറകുകള്‍ വിരിച്ച ഓണത്തുമ്പികള്‍ .തൊടിയിലും ,വെലിപ്പടര്‍പ്പിലും വര്‍ണ്ണ പ്പൊട്ടുകള്‍ പോലെ പൂക്കളുടെ ഉല്‍സവം ,മുറ്റത്തൊരു ചെറിയ അത്തപ്പൂക്കളവും .

ഓണക്കാലത്തിന് മണവുമായി അഭേദ്യമായ ബന്ധമാണുള്ളത് .മുറ്റത്തു പൂക്കളുടെ മണം .മുറിയിലും ഇടനാഴികളിലും പുതനുടുപ്പിന്റ്റെ പുതു മണം .അടുക്കളയില്‍ കാച്ചിയ പപ്പടതിന്റ്റെയും ,പഴനുരുക്കിന്റ്റെയും മണം .ചുറ്റിലും ഉണ്നിക്കുട്ടന്മാരുടെ പൊട്ടാസ്സ് തോക്കില്‍ നിന്നുയരുന്ന വെടിമാരുന്നിന്റ്റെ മണം.

ഓണം ബാല്യതിലെക്കുള്ള തിരിച്ചുപോക്കാണ് .പൂതെടിയിറങ്ങിയ നാട്ടു വരംബുകളിലെയ്ക്കൊരു യാത്ര .കുട്ടിക്കാലത്ത് യേറെ പ്രിയം ഓണക്കോടി കാത്തിരിക്കലയിരുന്നു .ഓണക്കൊടിയെതിയാല്‍ പിന്നെ കോടിയുടെ മണം നുകര്‍ന്ന് മരക്കൊമ്പുകളില്‍ ഞാത്തി കെട്ടിയ ഊഞ്ഞാലില്‍ ആട്ടം .പിന്നെ ഇരുട്ടുവോളം കുട്ടികളുടെ ലോകം ......

ഓണം ആഘോഷിക്കപ്പെടുന്നത് ബാല്യത്തിലാണ് .ഇന്നു ആഘോഷിക്കപ്പെടുന്നത് ഓണമല്ല ...........ഓണത്തിന്റ്റെ ഓര്‍മ്മകളാണ് .................. ബല്യതിന്റ്റെഓര്‍മകളാണ്...........

ഓണാശംസകള്‍.....................

രാത്രിമഴയുടെ കൂട്ടുകാരന്‍

2009-08-20T01:50:00.000-07:00

മഴ,

നിലാവിനെ മറച്ചുകൊണ്ട്

എന്റ്റെ സ്വപ്നങ്ങളിലേക്ക് -

പെയ്തിറങ്ങിക്കൊണ്ടിരുന്നു .

അപ്പോള്‍,ഞാന്‍ നിന്റ്റെ

തണുത്ത നിശ്വാസത്തിനു

കാതോര്‍ക്കുകയായിരുന്നു.

നീ വന്നു ...

എനിക്കറിയാമായിരുന്നു -

ജന്മാന്തരങ്ങളുടെ പരിചയവുമായി

നീ വരുമെന്ന്...

നിന്റ്റെ മുഖം,

ഞാന്‍ കണ്ടില്ല ......

നിന്റ്റെ ശബ്ദം ,

ഞാന്‍ കേട്ടില്ല.....

നിന്റ്റെ കൈകളിലെ

ചെമന്ന പനിനീര്‍പ്പൂവ് ,

നിന്റ്റെ ഹൃദയം ,

അതുമാത്രമായിരുന്നല്ലോ

ഞാന്‍ അറിഞ്ഞത്....

നിന്റ്റെ നക്ഷത്ര കണ്ണുകള്‍

അതുമാത്രമായിരുന്നല്ലോ

എന്റ്റെ സന്ഘല്‍പ്പങ്ങളില്‍

നിറഞ്ഞത്‌ ....................

എനിക്കൊന്നും പറയുവാന്‍

ഉണ്ടായിരുന്നില്ല ........

പക്ഷേ,

നിന്റ്റെ മാന്ത്രിക നയനങ്ങള്‍

അതെന്നെ -

പ്രണയത്തിന്റ്റെ വിഹായസ്സിലേക്ക്

ചുഴറ്റി എറിഞ്ഞു കൊണ്ടിരുന്നു.....

മരവിച്ചു പോയ ആ

തണുത്ത നിശ്വാസം

കേള്‍ക്കുന്നുവോ?

ഞാന്‍ കാതോര്‍ത്തു ....

അപ്പോഴും ,

ഓര്‍ക്കുട്ടിന്ന്റ്റെ നീല പ്രതലത്തില്‍

നിന്റ്റെ പ്രണയത്തിന്റ്റെ വാക്കുകള്‍

പെയ്തുകൊണ്ടിരുന്നു........................

ചെമന്ന പനിനീര്‍പ്പൂവ്

2009-08-08T08:00:00.000-07:00

വിറയ്ക്കുന്ന കൈകളോടെ അവര്‍ ആ ചെമന്ന പനിനീര്‍പ്പൂവ് ഒടിച്ചെടുത്തു .വര്‍ഷങ്ങള്‍ക്കു മുന്പ് നഷ്ട്ടമായ പ്രണയം ഈ എണ്‍പതാം വയസ്സില്‍ തളിര്‍ക്കുന്നതിന്റ്റെ ആവേശം ആ കണ്ണുകളില്‍ ഉണ്ടായിരുന്നു എന്നായിരുന്നു അത് ,വളരെ വര്‍ഷങ്ങള്‍ക്കു മുന്പ്.കടുത്ത വര്‍ണ്ണങ്ങളെ സ്നേഹിച്ചു തുടങ്ങിയ നാളുകളില്‍........

പഠിക്കുകയായിരുന്നു അന്ന് .ഫുള്‍പ്പാവടയും ,ബ്ലൌസും ധരിച്ചു നടന്നിരുന്ന കാലം.ഒരേ ക്ലാസ്സില്‍ പഠിച്ചിട്ടും വഴിയില്‍ വച്ചായിരുന്നു ആദ്യമായി കണ്ടു മുട്ടിയത്‌ .പലപ്പോഴും ഒരു പുഞ്ചിരി മാത്രം സമ്മാനിച്ച്‌

ആള്‍ക്കൂട്ടത്തിലെവിടെയോ അകന്നു പോകുമായിരുന്നു.ഒരു പാളിനോട്ടത്തിലൂടെയല്ലാതെ ഒരിക്കലും അവന്‍ തന്നോടു വാചാലനായിട്ടില്ല.വല്ലപ്പോഴും സംസാരിക്കുമ്പോള്‍ മനപൂര്‍വ്വം തെറിച്ചുവീണ വാക്കുകളില്‍ പ്രണയത്തിന്റ്റെ ചുവ താനറിഞ്ഞു .താന്‍ ദുഖിക്കുമ്പോള്‍ സഹതപിക്കുന്ന കൂട്ടുകാര്‍ക്കിടയില്‍ ഒരു സ്വാന്തനം ആയിരുന്നു അവന്‍ .ഹൃദയതിന്റ്റെ വേദനായകറ്റാന്‍ തേനിന്റ്റെ മാദുര്യത്തോടെ അവന്‍ ആശ്വസിപ്പിക്കും .

എന്നിട്ടും അവന്‍ അവന്റ്റെ പ്രണയം പറഞ്ഞില്ല !അതോ,അങ്ങനെയോന്നില്ലായിരുന്നോ?തനിക്ക് മാത്രം തോന്നിയ മരീചികയായിരുന്നോ അത് ?പക്ഷേ,തന്റ്റെ പ്രണയം പരിശുദ്ധമായിരുന്നു.അതുകൊണ്ടുതന്നെയായിരുന്നു ഈ കാത്തിരിപ്പും ,അവനെക്കുറിച്ചുള്ള ഓര്‍മ്മകള്‍ ചിതലരിക്കാതെ സൂക്ഷിച്ചു വച്ചതും

"ഈ പനിനീര്‍പൂവ്"ഞാനിന്നവന് നല്കും ,ഒരിക്കല്‍ പറയാതെ പോയ പ്രണയം പറഞ്ഞു ഇന്നവനെ അത്ഭുതപ്പെടുത്തും .

അവര്‍ വിറയാര്‍ന്ന കാലുകളോടെ നീണ്ട ശവക്കല്ലറകളില്‍ ഒന്നില്‍ മുട്ടുകുത്തി നിന്നു .ദിവസങ്ങള്‍ മാത്രം പഴക്കമുള്ള പൂവുകള്‍ അതിനുമുകളില്‍ വിഷാദത്തോടെ കിടന്നു ,ഇന്നലെ പെയ്ത മഴയില്‍ കുതിര്‍ന്ന ഒരു മെഴുകുതിരിയും .വര്‍ഷങ്ങളുടെ മൂകത അവര്‍ക്കിടയില്‍ നിഴലിച്ചുവോ ?

എന്തുകൊണ്ടോ അടുത്ത മഴയ്ക്കായ്‌ മേഗങ്ങള്‍ ഉരുണ്ടുകൂടി .രണ്ടു തുള്ളി കണ്ണുനീര്‍ ആ പനിനീര്‍പ്പൂവില്‍ ബാക്കി നിര്‍ത്തി അവര്‍ നടന്നകന്നു...........

നക്ഷത്രങ്ങളും മിന്നാമിനുങ്ങുകളും

2009-07-05T06:45:00.000-07:00

എനിക്കവനോട് അസൂയയായിരുന്നു. അവനെപ്പോലെ രാത്രിയില്‍ വിശാലമായ മൈതാനത്തു പോയി
ആകാശത്തിലെ നക്ഷത്രങ്ങളെ നോക്കി ഒറ്റയ്ക്കിരിക്കാന്‍ എനിക്ക് കഴിയില്ലല്ലോ !എന്ഗിലും വീട്ടിലെ വേങ്ങ മരത്തിന്റ്റെ ചുവട്ടിലുള്ള പാറക്കല്ലിലിരുന്നു എന്റ്റെ പരിമിതമായ ആകാശതിലേക്കു ഞാന്‍ നോക്കി !ആകാശത്തുനിന്നടര്‍ന്നു വീണ നക്ഷത്രങ്ങളെപ്പോലെ മിന്നാമിനുങ്ങുകള്‍ എനിക്ക് മുന്നിലൂടെ പാറിനടന്നു .അവ വീണ്ടും വീണ്ടും എന്റ്റെ പരിമിതികളെക്കുറിച്ച് ഓര്‍മപ്പെടുത്തികൊണ്ടിരുന്നു !
'പരിമിതികള്‍ ',വളരും തോറും ഞാനത് മനസ്സിലാക്കുകയായിരുന്നു .ഒരു ജനലിന്റ്റെ നാലതിരുകളിലേയ്ക്ക് എന്റ്റെ കാഴ്ച ചുരുങ്ങിക്കൊണ്ടിരുന്നു .
ഒരിക്കല്‍ വെളുത്തു മിനുത്ത അപ്പൂപ്പന്‍ താടി ചോദിച്ചു -'നിനക്കെന്നെ പ്പോലെ പറക്കാന്‍ കഴിയുമോ?'
ഞാന്‍ കൈകളുയര്‍ത്തി .ഇല്ല പറന്നില്ല ഞാനോരിക്കലുമെന്ന്റ്റെ സ്വപ്നങ്ങളിലേയ്ക്ക് പറന്നു പോയില്ല ...
വീട്ടിലേയ്ക്കുള്ള യാത്രയില്‍ ഞങ്ങളൊഴിവാക്കിയ വഴികളെല്ലാം എന്നോട് പറഞ്ഞുകൊണ്ടിരുന്നു -'എത്ര ഒഴിവാക്കിയാലും നീ തനിച്ചാണ് .'
എന്റ്റെ വര്‍ണ്ണചായങ്ങള്‍ എന്നോട് പിണങ്ങി -'നിന്റ്റെ വര ശരിയല്ല '.
പ്രിയ്യപ്പെട്ടവരെ നിങ്ങളുമെന്നെ ഒറ്റുകൊടുക്കുന്നുവോ?
എന്റ്റെ ഗുല്‍മോഹര്‍ പൂക്കാതെയായി......എന്റ്റെ കടലാസ്സു പൂക്കള്‍ നിറം കെട്ടുപോയി ...
ഞാന്‍ ഇരുട്ടിലേയ്ക്കു വലിച്ചിഴയ്ക്കപ്പെട്ടു ....
ആകാശത്ത് നിന്നടര്‍ന്നു വീണ മിന്നാമിനുങ്ങുകളെ ,എന്നാണ് നിങ്ങള്‍ എനിക്കല്പം വെളിച്ചവുമായി ഇണയെ ത്തേടി വരുക?

പ്രണയം

2009-06-26T00:12:00.001-07:00

ഒരിക്കലും പ്രണയിക്കപ്പെടില്ലെന്നറിഞ്ഞിട്ടും
ഞാനെന്റ്റെ പ്രണയത്തെ പ്രണയിച്ചുകൊണ്ടെയിരുന്നു......

2009-06-17T02:24:00.000-07:00

കഴിഞ്ഞ പോസ്റ്റ്- 'നീ പ്രേമിച്ചിട്ടുണ്ടോ?',വെറുതെ ഒരു രസത്തിനിട്ട പോസ്റ്റാണ് .അതിന്റ്റെ അവസാന വരി വേണ്ടും വിദം ചിന്ടിക്കാതെ എഴുതിയതാണ് .പക്ഷെ അതിന് വന്ന രണ്ടു കമ്മെന്ട് എ ന്നെ ചിന്ടിക്കാന്‍ തന്നെ പ്രേരിപ്പിച്ചു .ഒരാള്‍ പ്രേമിക്കാതെ തന്നെ ലോകത്തെ അറിഞ്ഞു , മറ്റൊരാള്‍ പ്രേമിച്ചിട്ടും ലോകത്തെ അറിഞ്ഞില്ലത്രെ !ശരിക്കും എ നിക്കറിയില്ല എങ്ങനെയാണ് ലോകത്തെ അറിയേണ്ടത് എന്ന് !ഇപ്പോളിതാ

ഞാന്‍ ഉത്തരം കണ്ടെത്താന്‍ ശ്രമിക്കുന്ന എ ത്രയോ ചോദ്യങ്ങല്‍ക്കൊപ്പം ഒന്നു കൂടി കൂട്ടിച്ചേര്‍ത്തിരിക്കുന്നു -

"എങ്ങനെയാണ് ലോകത്തെ അറിയേണ്ടത് ?"

നീ പ്രേമിച്ചിട്ടുണ്ടോ?

2009-06-13T08:19:00.000-07:00

"നീ പ്രേമിച്ചിട്ടുണ്ടോ ?"

'ആദ്യത്തെ പ്രേമം ഉദിച്ചുയരുന്ന സുര്യനോടായിരുന്നു,പിന്നെ അത് മഴക്കാലത്ത് മാത്രം കണ്ടുവരാറുള്ള ലിള്ളിപൂക്കളോടായി,പിന്നീട് ആ പ്രേമത്തിനു കൂടുതല്‍ അര്‍ത്ഥവും ആകൃതിയും കണ്ടെത്താനുള്ള ശ്രമം ,

വര്‍ദ്ധക്ക്യത്തിലെ പ്രേമം ഭൂതകാലത്തെ നനുത്ത ഓര്‍ മകളോടായിരിക്കും.എത്ര ഒളിച്ചാലും ഇതുതന്നെയല്ലേ

എല്ലാവരുടെയും ജീവിതം !'

എന്ഗ്ഗിലും പറഞ്ഞു-

"ഞാന്‍ പ്രേമിച്ചിട്ടില്ല."

ഒരു പൊട്ടിച്ചിരിയോടെ അവന്‍-

"പ്രേമിക്കാത്തവന്‍ ലോകത്തെ അറിയുന്നില്ല."

2009-06-08T07:10:00.000-07:00

ഇരുട്ടിലെന്നെ തനിച്ചാക്കുന്നതിനാല്‍

നിഴലിനെ ഞാന്‍ സ്നേഹിച്ചു .

പടര്‍ന്ന മഷി

2009-05-27T08:45:00.000-07:00

ചരിഞ്ഞ മാഷിക്കുപ്പിയില്‍നിന്നു
ഒലിച്ചിറങ്ങിയ നീലമഷി പടര്‍ന്നത്
എന്‍റെ പരീക്ഷാപേപ്പറില്‍!
ഒടുവില്‍ മാര്‍ക്കും മഷിപോലെ
പടര്‍ന്നുപോയി!
ഒരുതുണ്ടു കയറോ?
ഒരു കുപ്പിവിഷമോ?
ചിന്തിക്കേണ്ടിവന്നില്ലെനിക്ക്
ഗ്രയ്ടുകളുടെ കരവലയങ്ങളില്‍
ഞാന്‍ സുരക്ഷിതയായിരുന്നു.
നീതിയുടെ തുലാസില്‍ വയ്ക്കുന്ന ലക്ഷങ്ങള്‍
മറുതട്ടില്‍
ഭാവിയുടെ മുകംമൂടി.
നകത്തിലെ ചെമന്ന കുട്ടക്സ്
ജലത്തില്‍ വിഷം കലര്‍ത്തി.
ചിതലരിച്ച ഓര്‍മ്മക്കുറിപ്പില്‍
എവിടെയോ ഭൂതകാലം
നനുത്ത നിഴലായ്‌ ചത്തുകിടന്നു .
പഴയ മഷിക്കുപ്പിയില്‍ നിന്ന്
ഒലിച്ചിറങ്ങിയത്ചെമന്നമഷി.
അതു പടര്‍ന്നതെന്റ്റെ
മരവിച്ച ഭാവികാലത്തില്‍

പടര്‍ന്ന മഷി

2009-05-22T23:31:00.000-07:00

ചരിഞ്ഞ മഷിക്കുപ്പിയില്‍നിന്നു

ഒലിച്ചിറങ്ങിയ നീല മഷി പടര്‍ന്നത്

എന്റെ പരീക്ഷാപേപ്പറില്‍

ഒടുവില്‍ മാര്‍ക്കും മഷി പോലെ

പടര്‍ന്നുപോയി!!

ഒരു തുണ്ടുകയറോ ,

ഒരു

വന്നില്ലെനിക്ക്

നീല ചില്ലുജാലകം.

2009-05-11T22:10:00.000-07:00

ഉറങ്ങാത്ത രാത്രികളില്‍

നീല ചില്ലു ജാലകത്തിനപ്പുറം

ഞാന്‍ നിന്‍റെ മുഖം കണ്ടു

നീയാകെ നീലച്ചിരുന്നു .

പിന്നെ എത്രയോ രാത്രികളില്‍

ഞാന്‍ ആ നീല ചില്ലുജാലകത്തിനിപ്പുറം

കാത്തിരുന്നു .....

പിന്നീടാണ് ഞാനറിഞ്ഞത്

നീ നിലാവില്‍ നിന്നാണ്

വരുന്നതെന്ന് ...

എല്ലാവരും ഉറങ്ങി കിടക്കുന്ന

നിലാവുള്ള രാത്രികളില്‍

നീ എന്റ്റെ അരുകില്‍വന്നു .

നിന്റ്റെ നനുത്ത സ്പര്‍ശം ,

പതിഞ്ഞ നിശ്വാസം ,

നിന്റ്റെതുമാത്രമായ തണുപ്പ് ,

അതുമാത്രമായിരുന്നു

എനിക്ക് പരിചയം.

നിന്‍റെ ചിത്രത്തിലെ വിജനപാത

2009-05-10T06:51:00.000-07:00

ഞാന്‍ നിന്‍റെ
നീല നക്ഷത്രങ്ങള്‍ക്ക്
കാവല്‍ നില്‍ക്കാം.
നിന്‍റെ ആയുസില്‍
എന്റേത് കൂടി ചേര്‍ക്കാം.
നീ തന്ന ചിത്രത്തിലെ
വിജന പാത
എന്നാണ് നമുക്കുവേണ്ടി
തുറക്കപെടുന്നത്?

ഉറക്കഗുളികകള്‍

2009-05-09T01:36:00.000-07:00

തലയ്ക്കുമുകളില്‍
ഫാന്‍ കറങ്ങുന്നു ...
മേല്‍കൂരയില്‍ അവിടവിടയായി
വളഞ്ഞ കൊളുത്തുകള്‍ ......
മേശയില്‍ കയ്യെത്തും ദൂരം ,
ഗില്ലെറ്റ്‌ സെവേനോക്ലോക്ക്ക് ബ്ലൈഡ്...
എഗ്ഗിലും,ഒരിക്കല്‍ നീ പറഞ്ഞ ,
ഉറക്കഗുളികകള്‍ തിരയുകയാണ് ഞാന്‍...

ചിതലരിച്ച മരച്ചില്ലകള്‍

2009-05-07T21:34:00.000-07:00

പുഴയുടെ വേദന
എന്‍റെ ഹൃദയത്തില്‍
മുറിഞ്ഞു കിടന്നു
ഇതള്‍ കൊഴിഞ്ഞു
ചിതലരിച്ച മരത്തില്‍
അപ്പോഴും വേഴാമ്പലുകള്‍
കാത്തിരിപ്പുണ്ടായിരുന്നു
തെളിഞ്ഞ ആകാശത്തോട്
പുഴതന്റ്റെ വടുക്കളുടെ
കഥ പറഞ്ഞു.
വേഴാമ്പലിന്റ്റെ തൂവലുകള്‍

പുഴയുടെ വടുക്കളിലയ്ക്കടര്‍ന്നുവീണു .
എന്‍റെ കണ്ണുനീരിന്റെ
വേദനയും പേറി
പുഴയകന്നു പോയി
അപ്പോഴും , ആ ചിതലരിച്ച
മരച്ചില്ലകളിലെവിടെയോ
ഒരു വേഴാമ്പല്‍
കാത്തിരിക്കുന്നുണ്ടായിരുന്നു..

പുനര്‍ജനി

2009-04-28T02:52:00.000-07:00

എന്നോ ഒളിച്ചുവച്ചതിന്റ്റെ
കണ്ടെത്തലായിരുന്നു-
ചിപ്പിയ്ക്കുല്ളിലെ വെളുത്തമുത്ത്‌ !
പക്ഷേ,
ഒളിച്ചു വച്ചത്,
നനുത്ത സ്ഫടികഗോളങ്ങളായിരുന്നില്ല,
ഒരു ജീവിതത്തിലേക്കിരച്ചെത്തിയ
വേദനകളും,വേദാന്ധങ്ങളുമായിരുന്നു .
.......................,നെടുവീര്‍പ്പുകളുമായിരുന്നു .
കാലപ്രഭാവതിന്ട്ടെ ഗര്‍ഭപാത്രത്തിലവ
ഉരുകിയുറഞ്ഞു.
നീണ്ട സുഷുപ്തിയില്‍നിന്നുള്ള പുനര്‍ജനി
ഒരു വെളുത്തമുത്തായി....

ആത്മഹത്യാമുനംബ്

2009-04-19T10:20:00.000-07:00

പ്രണയത്തിന്‍
ഒരു മുഴം കയറിനോടും,
ഗില്ലറ്റ് സെവെന്‍ഒക്ലോക്ക് ബ്ലയ്ടിനോടും,
നിറഞ്ഞ കിണറിനോടും,
ബന്ധമുന്ട്ട്.
ബന്ധങ്ങളഴിയുംബോളവ
മുറുകിക്കെട്ടുവാന്‍
കയറുകള്‍ തേടിപ്പോകും.
ഒതുങാത്ത സ്നേഹത്തെക്കാട്ടാന്‍-
ബ്ലയ്ടുകള്‍ തേടിപ്പോകും.
പ്രണയത്തിന്റെ ആഴമളക്കാന്‍ -
നിറങ്ങ കിണറുകള്‍ തേടിപ്പോകും.
ബന്ധങ്ങളുടെ കുകുരുക്കില്‍നിന്‍ന
ആത്മഹത്യാമുനംബിലെയ്ക്കുല്ലയാത്രാ,
ചോര വര്ന്നുപോകാതെ,
കഴുത്തു നീണ്ടുവലിയാതെ,
വയറു വീര്‍ത്തുപൊട്ടാതെ ,
മുനംബിന്റെ ആഴങ്ങളിലേക്ക്.......

ചെറിപ്പഴങ്ങള്‍

2009-04-17T07:09:00.000-07:00

ഒരിക്കല്‍ നീ തന്ന ചെറിപ്പഴങ്ങള്‍
ഇന്നേറെപ്പഴകിപ്പോയി,
പക്ഷേ ഇന്നും ,
നീ എന്‍റെ മനസ്സില്‍
ആ ചെമന്ന ചെറിപ്പഴങ്ങള്‍
പോലെയാ......